بالورقة والقلم حقيقة الاخوان المسلمين

الاخوان المسلمين سمعنا كلام كتييييير قوي عنه في الاعلام الفتره اللي فاتت بس للاسف النهارده بس اكتشفنا حجات تانيه خااااالص

وكنا بنسمع إن فيه تمويل وهابي للإسلاميين .. وطلعت السعودية أكبر الداعمين للنظام السابق وفلوله وأول المهنئين بالانقلاب العسكري!

وكنا بنسمع مصر بيحكمها "اتنين" المرشد ومرسي ... ودلوقت مش هتسمع مصر بيحكمها اتنين العسكر و الرجل المعين !

وكنا بنسمع إن فيه 50 الف اخواني تم تعيينهم في مفاصل الدولة .. واكتشفنا ان مفيش حد من الخمسين الف دول وقف ضد الانقلاب!

كنا بنسمع ان السيسي طلع اخوان .. وهو اللي باع مصر .. وفي نفس الوقت بنسمع انه الراجل اللي ازاح الاخوان!

كنا بنسمع ان مرسي هيدخل الشيعة في مصر ... وفي نفس الوقت قالوا هو السبب في قتل حسن شحاتة سباب الصحابة الشيعي في مصر!

كان وزير الداخلية بيتقال انه خلية نايمة .. وبيتقال داخلية مرسي .. وفعلا طلع خلية نايمة و طلعت داخلية مرسي العظيمة اللي قامت بتكملة الانقلاب!

الجميل ان في منا بيصدق الكلام وعكسه !
أو بيصدق الكلام اللي من غير أي دليل
و بيكدب الكلام اللي بيثبته الواقع

ولهم أقول وعندَ الله تجتمع الخصوم!

Posted in: عام